донекаде | прил.
До некое, до определено место. Патот барем донекаде му беше познат. Патуваат ноќе, донекаде по патот, а после над селата. Донекаде одев пеш на работа.
донесе 1 | св.
Пренесе, предаде некому нешто носејќи го од некаде. Донеси вода во ѓумовите. Му донела нешто за јадење. Бротчето донесе патници. Дедо Мраз ќе им донесе подароци на децата.
донесе 2 | св.
За кокошка – престане да несе јајца. Кокошките се стари, ќе донесат наскоро.
донесеник | м.
Дете што го довела мајката кога се премажила. Не го сакаа зашто беше донесеник.
донжуан | м.
Заводник на жени, љубовник (според лик од книжевноста). Тој е провинциски донжуан.
донжуанство | ср.
Заводнички начин на живот. Сака да го истакне своето донжуанство.
дониже | св.
Заврши со нижењето. Го донижавме тутунот.
донира | несв.
Подари, подарува средства или други материјални добра за општествено корисни цели. Донираше облека во Црвениот крст. Донираше книги за училиштето.
донкихотство | зам.
Склоност кон мечтаење, кон авантури Донкихотството на царот.
донкихотштина | ж.
Сета залудност на постапките и идеите на Дон Кихот.
