доноси | св.
Носи нешто до крај, додека требало или додека можело да се носи. Вреќата беше претешка, одвај ја доносив до дома.
доносител | м.
Тој што, според прописите и според определена постапка, донесува, поднесува нешто (чек, документ и сл.) 2. Тој што донесува нешто; донесувач. Чекот гласи на доносителот.
дообере | св.
Обере нешто до крај. Ги дообравме и последните плодови од градината.
дообјасни | св.
Објасни тоа што останало нејасно, објасни до крај. Изгуби желба да ја дообјасни својата мисла. Останува една работа што ќе мораме да ја дообјасниме.
дооблекува | несв.
Облекува до крај. Го дооблекуваше детето.
дообликува | несв.
Обликува нешто до крај. Не можеше да ја дообликува фигурата.
дообработи | св.
Обработи до крај. Ги дообработи сите податоци.
дообработка | ж.
Завршување, последна фаза од обработката на нешто. Материјалот е вратен на дообработка.
дообразложи | св.
Образложи нешто до крај. Не го оставија да дообразложи.
доодбере | св.
Одбере до крај. Доодбрав од тоа што остана.
