допара | св.

Распара до крај, целосно. Ги допара чорапите.

допасе | св.

Престане да пасе, заврши со пасењето. Воловите допасоа и тој ги потера кон дома.

допати | прил.

Следниот пат, другпат. Допати ќе дојдам и кај вас.

допатка | св.

Дојде, стигне некаде со паткање. Таа кроце допатка до неговата одаја. Допаткавме до дома.

допатува | св.

Дојде, стигне до определено место (обично со превозно средство). Јас допатував по твоја лична покана. Тој допатува со еден стар автобус. Во градот допатувал циркус.

допее | св.

Пее, испее до крај. Тој ја допеа песната.

допекува | несв.

допере | св.

Заврши со перењето, испере сѐ што било за перење. Да доперам и ќе дојдам.

допечати | св.

Напечати, испечати до крај. Книгата беше допечатена по неговата смрт.

допече | св.

Испече нешто до крај, го заврши печењето на нешто до потребната мера. Таа го допече зелникот. Овој фурнаџија честопати не го допечува лебот.