дразлив | прид.
Што лесно се возбудува, се дразни. Дразлив човек.
дразни | несв.
Предизвикува поголема активност на сетилата, силни чувства, возбуда, лутина. Лутиот прав му го дразнеше грлото. Силната светлина ги дразни очите. Го дразнеа дрските погледи.
драка | ж.
Вид бодликава грмушка со жолти цветови во вид на грозд и дрвенести плодови во вид на диск; Paliurus aculeatus. Трчаше низ сувите драки и капини.
драконски | прид.
Претерано остар, премногу строг (по атинскиот законодавец Дракон). Драконска мерка. Драконски казни.
драм | м.
(арх.) Мера за тежина (3, 207 г).
драма | ж.
(само едн.) Вид книжевен жанр. Македонската драма меѓу двете војни. Современа драма. Античка драма.
драматизам | м.
Напнатост, сериозност на драмското дејство, силен, драматичен конфликт. Силниот драматизам се чувствува во целата драма.
драматизација | ж.
Преработка на едно книжевно дело за прикажување на сцена. Драматизација на текстови. Драматизациите на епските четива.
драматизира | св. и несв.
Преработи, преработува во драма друго литературно дело. Многу народни басни биле драматизирани.
драматика | зам.
Напнатост, возбудливост, драмати Драматиката на гласот. Непрекината драматика.
