дрвар | м.
Лице што сече и носи дрва за огрев. Еден дрвар. Доаѓаа дрварите.
дрварина | ж.
Такса што се плаќала за сечење дрва во шумата. Скапа дрварина.
дрварник | м.
Место покрај куќата каде што се чуваат и цепат дрвата. Голем дрварник. Селски дрварници.
дрварница | ж.
Место каде што се складираат и се продаваат дрва. Управник на дрварница.
дрвен | прид.
Што се однесува на дрво. Дрвна индустрија. Дрвна растителност.
дрвен | прид.
Што е направен од дрво. Дрвен стол. Дрвена лажица. Дрвени копја.
дрвенарица | ж.
Вид штетен инсект што ги напаѓа овошните дрвја; Zeuzera pyrina. Дрвенарицата ги напаѓа гранките и послабите стебла.
дрвенарија | ж.
Предмети од дрво. Продавница за дрвенарија.
дрвенест | прид.
Растение, плод што е тврд како дрво. Дрвенеста вегетација. Дрвенестиот дел на јаболкото.
дрвеница 1 | ж.
Вид мал инсект, паразит што живее во дрвени предмети и се храни смукајќи крв од човекот и од некои животни; тавтабита; Cimex lectularius. Го јадат дрвеници и болви.
