дренковица | ж.
Ракија од дренки. Шише дренковица.
дренов | прид.
Што припаѓа, што се однесува на дрен, што е направен од дрен. Дренови гранки. Дреново дрво. Дренова рачка.
дреновина | ж.
Дренови дрва. Сечеше дреновина.
дренок | м.
Вид винова лоза и сорта грозје со издолжени зрна. Црвен валандовски дренок. Црн валандовски дренок.
дрес | м.
Спортска облека во која се настапува.
дресер | м.
Лице што се занимава со дресура. Добар дресер.
дресина | ж.
Количка на четири тркала, со рачен или моторен погон што се движи по железнички шини. Стара дресина.
дресира | св. и несв.
Изврши, врши дресура. Тој дресираше две мечки.
дресура | ж.
Скротување или обука на животни заради определена цел (лов, циркус, војска и сл.) Се занимаваше со дресура на мајмуни.
дречи | несв.
Паѓа в очи, се истакнува. Фустанот ѝ дречеше.
