драмлија | ж.
Вид сачма што се употребува за лов. Оловна драмлија.
драмолет | м.
Куса драма, обично во еден чин. Збирка драмолети.
драмџија | м.
Скржавец, циција. Тој е голем драмџија.
дрангулија | ж.
Ситница без голема вредност (обично разни украсни предмети, бижутерија и сл.). Истави ги овие дрангулии да не пречат.
драпа | несв.
Силно чеша. Луѓето ја драпаа кожата.
драпач | м.
Лице што се потсмева, се подбива со некого; Тој е голем драпач.
драперија | ж.
Тешка, набрана ткаенина како завеса или како украс над врата, над прозорци или на ѕидови. Бела драперија. Тешки драперии.
драпне | св.
драпа.
драска | несв.
Повредува, оштетува некого или нешто гребејќи со нокти или со остар предмет. Мачињата го драскаа по рацете. Детето со шајка драскаше по масата. Песот ја драскаше вратата.
драсканица | ж.
Рана добиена од драскање. Драсканици на лицето. Црвена драсканица.
