ели | сврз.
Ели ме сакај, ели ме оставај. Ел е машко, ели е женско.
еликсир | м.
Најфин екстракт од некоја материја.
елиминаторен | прид.
Што е наменет да врши избор преку елиминација; Елиминаторен натпревар. Оваа фестивалска вечер има елиминаторен карактер.
елиминација | ж.
Отстранување, отфрлање, изделување. Немаше елиминација и сите екипи беа во финалето.
елиминира | св. и несв.
Отстрани, отстранува, исклучи, исклучува. Не беше лесно да се елиминира противникот. Тој ја елиминира конкуренцијата.
Елин | м.
Припадник на древен народ на Балканскиот Полуостров, познати и како Стари Грци.
елинизација | ж.
Погрчување, насилно наметнување на нешто со грчко или старогрчко обележје.
елинизира | св. и несв.
Погрчи, погрчува; со сила наметне нешто својствено на грчката култура.
елинист | м.
Проучувач на грчките: култура, јазик, историја и литература.
елинофил | м.
Почитувач, љубител, приврзаник на грчките: култура, јазик, историја, обичаи и сл.
