жири | ср.
Комисија од стручни или од избрани лица што врши избор за рангирање или наградување на разни конкурси, изложби или натпревари.
жирит | м.
Тенок стап.
жиро | ср.
Писмен пренос на меница или на некое друго банкарско побарување од еден сопственик на друг.
жиро- | претс.
Прв дел од сложенки со значење: што се однесува на жиро, што е во врска со жиро. Жиро-сметка, жиро-конто, жиро-налог.
житар | м.
Трговец со жито. Житарите евтино го купуваат житото, а го продаваат скапо.
житарец | м.
Инсект тврдокрилец кој го напаѓа житото; Zabrus tenebrioides. Житарецот е еден од најопасните штетници на пченицата, јачменот и 'ржта.
житарница | ж.
Пазар на кој се продава жито.
житарски | прид.
житарство | ср.
Одгледување на житни култури, производство и продажба на жито. Житарството е многу слабо развиено.
жител | м.
Лице што е постојано населено во некое населено место, во некоја земја, држава и сл. Селото има околу шестотини жители.
