загровта | св.
Почне да гровта. Од соседниот двор загровта свиња.
загрозен | прид.
Што е изложен, доведен во опасност. Загрозено подрачје. Загрозени семејства.
загрози | св.
Изложи, доведе во опасност некого или нешто. Мојата егзистенција е сериозно загрозена. Лизгањето на земјиштето загрози неколку семејства.
загруби | св.
Стане груб; груби. Платното загруби од нечистотија.
загуба | ж.
Губење, лишување од нешто или од некого. Го обземаше слабост поради загубата на крвта. Жалеше за загубата на својот пријател. Непријателот претрпел тешки загуби.
загубен | прид.
Што е изгубен, исчезнат привремено или трајно; загуби Загубен контакт. Загубена љубов. Загубени пари.
загуби | св.
Остане без нешто што го имал; изгуби. Вчера го загубив клучот од дома. По патот овчарот загубил една овца.
загуга | св.
За бебе – почне да гуга; гуга_1 Бебето загуга.
загугука | св.
загуди | св.
Почне да гуди. И пак загудија гуслите и ѕвекнаа чаши.
