загука | св.

Почне да гука. Загукаа гулабите во гулабарникот.

зад | предл.

Местоположба од другата, задната, обратната страна на нешто, одзади. Зад ридот се крева густ чад. Децата се криеја зад тарабите.

зад- | претс.

Претставка/префикс со значење од другата страна на она што е означено со основата на зборот: задграничен, задгробен, заткулисен, задутре, затскрие.

задава | несв.

задави | св.

Усмрти некого со давење, со спречување на дишењето. Го задавиле со копринена шамија преку устата. Едно куче ја задави нашата мачка.

зададе | св.

Постави, даде некому како задача да реши нешто. Би сакал да ми одговорите на прашањата што ќе ви ги зададам. Тој набрзина ја напиша задачата што му ја зададе учителот.

Задар | м.

Приморски град во Хрватска.

задача | ж.

Определена работа што треба да се исполни, да се изврши; обврска. Беше среќен што ја исполни задачата како што треба. Нејзина задача е да ја пречека колоната и да отвори оган на неа. Тој никогаш не заборави на задачите што ги беше зел на себе.

задвижи | св.

Почне да движи; движи Надојдената вода ги задвижи воденичките камења.

задграничен | прид.

Што се наоѓа надвор од државните граници на една земја. Задгранична зона. Задгранични области. Задграничен комитет.