заемка | ж.

Збор или израз што е земен од друг јазик и приспособен кон јазикот во кој е примен. Лексички заемки.

заемник | м.

Учесник во заемница. По полето работеа заемници.

заемница | ж.

Народен обичај кога соседите (обично момчиња или девојки) бесплатно или со заемно возвраќање помагаат некому при поголеми селски работи. Повикал неколку момчиња на заемница.

заемнички | прид.

Што се однесува на заемник и на заемница. Заемничка работа.

заемодавач | м.

заемодавец | м.

Лице што дава заем. Заемодавецот си ги бараше назад своите пари.

заергени се | св.

Навлезе во ергенска возраст;

заесапи | св.

Почне да есапи, да смета. Заесапи нешто во мислите и се занесе.

заесени | св.

безл. заесени. Оваа година заесени многу рано.

заечи | св.

Почне да ечи. Гласот на старецот заечи во долината.