иницијал | м.
(обично во мн.) Првите букви од името и презимето. Во аголот на шамичето беа навезени нејзините иницијали: К. Ј.
иницијален | прид.
Што е почетен, првичен, појдовен, основен. Иницијалната идеја за овој зборник потекна токму од него.
иницијатива | м.
Почетна идеја, побуда, поттик за некоја работа. На негова иницијатива се организираше работна акција. Недостигаше иницијатива за да се отпочне со работа.
иницијатор | м.
Лице што дава иницијатива за нешто, за некоја работа, дело; зачетник, поттикнувач. Меѓу децата, тој беше главен иницијатор на многу игри и лудории.
инјектира | св. и несв.
Стави, става инјекција.
инјекција | ж.
Течен лек што се внесува во организмот со игла и шприц. Лекарот ѝ препиша седум инјекции.
инка | ж.
Направа во вид на конус, на врвот продолжен со цевка што служи за претурање течност во сад со тесен отвор.
Инка | м.
Припадник на древен народ во Јужна Америка, на просторот на денешно Перу.
инќар | м.
Одрекување, оспорување.
инќари | несв.
Одрекува, оспорува. Преплашен почнал да инќари дека не е тој арамијата што го бараат.
