интегрален | прид.
(мат.) Што се однесува на интеграл. Интегрално сметање.
интегративен | прид.
Што интегрира, поврзува, што обединува. Интегративен процес.
интеграција | ж.
Поврзување на определени делови во целина поради заеднички интереси и за поуспешно дејствување; интегрирање, соединување, обединување.
интеграционен | прид.
Што се однесува на процесот на интеграција.
интегрира | св. и несв.
Поврзе, поврзува во една целина, соедини, соединува, обедини, обединува. Владата ги интегрира тие две организации.
интегрираност | ж.
Поврзаност во една целина, единство. Интегрираност на жените во политиката.
интегритет | м.
Целокупност, зачувана целост; неприкосновеност.
интелект | м.
Ум, разум; моќ и способност на човекот за сфаќање, разбирање, спознавање. Тој имаше извонредно висок и жив интелект.
интелектуален | прид.
Што се однесува на интелект; мисловен, духовен. Ниско ителектуално ниво. Интелектуална дејност. Интелектуален работник.
интелектуалец | м.
Образован човек што се занимава со умствена, духовна, творечка дејност; умствен работник.
