инструментарка | ж.
Медицинска сестра што се грижи за стерилноста на хируршките инструменти за време на операција.
инсулин | м.
(мед.) Хормон на панкреасот што ја регулира размената на шеќерот во организмот.
инсуфициенција | ж.
(мед.) Неспособност, слаба работа на некој орган (особено на срцето) како последица на некое заболување.
инсценација | ж.
Кулиси и опрема за театарска претстава, сценско обликување; сценографија.
инсценира | св. и несв.
Направи инсценација за театарска претстава, преработи, преработува литературно дело за изведба на сцена.
инсцениран | прид.
Што е лажно предизвикан, наместен. Сите апсења беа инсценирани, наместени.
инт | м.
Памучна преѓа.
интабулација | ж.
Внесување, запишување на имотно право и обврски во катастарските книги.
интарзија | ж.
Уметничко украсување на предмети од дрво со вметнување на парчиња од дрво, бисер, седеф, слонова коска и др.
интеграл | м.
Величина добиена како резултат на операција спротивна на диференцирањето и се разгледува како сума од своите најмали делови.
