царштина | ж.
Царска држава, царство. Голема е нашата царштина. Тоа е во интерес на царштината.
цацар | м.
Вид грав со ситни зрна.
цацка | несв.
За дрва ‒ ситни, сече на ситни парчиња; цепка. Цел ден ги цацкаше дрвата.
цацко | м.
Ѓавол, враг, сатана, зол дух. Ме натера цацко и се скарав со брат ми.
цванцик | м.
Стара австриска сребрена пара. Во џебот имаше неколку цванцици.
цвеќар | м.
Лице што одгледува или продава цвеќиња. Цвеќарот продаваше само рози.
цвеќарник | м.
Градина, место каде што се одгледуваат цвеќиња. Цвеќарник со лалиња.
цвеќарница | ж.
Продавница за цвеќиња. Работи во цвеќарница.
цвеќарски | прид.
Што се однесува на цвеќар и на цвеќарство. Цвеќарска професија. Цвеќарска улица.
цвеќарство | ср.
Одгледување и трговија со цвеќиња. Се занимава со цвеќарство.
