аугментатив | м.
Збор со наставка која го означува како големо, зголемено тоа што го именува зборот во своето основно значење; на пр.: куќа ‒ куќиште, човек ‒ човечиште.
аугментативен | прид.
Што има својство на зголемување.
аудиенција | ж.
Официјален прием кај лице на висока општествена положба. Претставниците на политичките партии беа примени на аудиенција кај Претседателот.
аудитивен | прид.
Што се однесува на слухот; слушен. Аудитивен апарат.
аудиториум | м.
Сала во којашто се држат предавања, слушална. Аудиториумот беше полн со публика.
аудиција | ж.
Пробен настап на актери и пејачи пред комисија; проверување на гласовни, музички или актерски способности. Аудиција за пејачи. Аудиција за актери.
аукција | ж.
Јавна продажба со наддавање. Аукција на уметнички слики.
аула | ж.
Широка, отворена просторија, свечена сала, обично на факултетите, во училиштата и сл. Комеморацијата се одржа во аулата на факултетот.
ауспух | м.
Цевка за испуштање на искористените гасови кај автомобилите.
аут | прил.
Излегување на топката надвор од обележаниот простор на игралиштето.
