аутопсија | ж.
(мед.) Откривање на причината за смрт со сецирање. На умрениот му беше извршена аутопсија.
аутсајдер | м.
(спорт.) Човек или тим, екипа од кои не се очекува победа на натпревар.
аух | изв.
За изразување на изненадување, страв, чудење и сл. Аух, ме преплаши!
афазија | ж.
Неспособност за зборување, онеменост, намалена способност за разбирање на одделни зборови поради повреда на мозокот.
афект | м.
Возбуда, вознемиреност, силно емоционално чувство манифестирано како несвесна активност и како ненормална психолошка состојба. Таа во афект не знае што зборува. Писмото го напиша во афект, но не го испрати. Можеш во афект да сториш страшни злосторства, неконтролирањето при афектот е страшна работа.
афектација | ж.
Афектирање.
афектен | прид.
Што се однесува на афект. Афектна состојба.
афективен | прид.
Возбудлив, вознемирен, чувствителен, осетлив. Сето ова тој го изјави во афективна состојба. Неговото викање беше толкувано само како афективна реакција. Во неговото зборување е присутен и афективниот елемент.
афектира | св. и несв.
Се преправи, се преправа, се однесува, реагира неприродно. Тој афектираше, паѓаше во буновна патетика, но јас не го ни погледнав. Таа пред луѓе афектира, покажувајќи неизмерна среќа.
афера | ж.
Недозволена работа или непријатен случај што ќе дојде до очите на јавноста; скандал. Деновиве весниците беа преполни со афери од политиката.
