акран | м.
Лице што е еднакво, рамно во нешто: врсник, партнер, прилика.
акредитив | м.
Писмено овластување на дипломатски претставник кај влада на друга земја. Амбасадорот му ги предаде акредитивите на претседателот веднаш по пристигнувањето во земјата.
акредитира | св. и несв.
(дипл.) Назначи, назначува некого за дипломатски претставник во туѓа земја.
акреп | м.
(зоол.) Скорпија; Euscorpus carpathicus. До прозорецот голем сад со акрепи во зејтин.
акрибија | ж.
Целосна совесност, внимателност, точност, особено во научната работа. Автор е на неколку книги што ги следат со хронолошка акрибија сите пројави.
акробат | м.
Артист во циркус, изведувач на гимнастички опасни подвизи со превртување и скокање во воздух. Лебдеше како недоволно обучен акробат по високо распната жица.
акробатика | ж.
Вештина на изведување тешки, опасни вежби кои бараат голема подвижност.
акробација | ж.
Смела, тешко изводлива вежба што бара голема вештина: во гимнастика, во авијација, во циркус. Изведува разни гимнастички акробации.
акропол | м.
Тврдина на височина во старите грчки градови. Секогаш кога патував ќе здогледав некој грчки акропол и неговиот град.
акростих | м.
Песна во која почетните, а понекогаш и крајните букви од стиховите даваат некое име или некој збор.
