акцелератор | м.
Забрзувач, уред за забрзување на наелектризираните честички до саканата брзина.
акцелерација | ж.
Забрзување.
акцент | м.
(лингв.) Гласовно истакнување на определен слог или збор. Акцентот е на третиот слог од крајот на зборот;
акцентен | прид.
акцентира | св. и несв.
Нагласи, нагласува, изговори, изговара со поголема сила на глас одделен слог од зборот. Тој по грешка го акцентираше вториот слог од крајот на зборот.
акцентуација | ж.
Акцентирање, нагласување. Неговото зборување е впечатливо затоа што има необична акцентуација.
акцепт | м.
Потпис на правен документ како обврска за исплаќање.
акцептација | ж.
Прифаќање, согласност.
акцептира | св. и несв.
Прифати, прифаќа, прими, прима, усвои, усвојува. Авторот постојано ги акцептира промените во духовниот живот на времето.
акциза | ж.
Дополнителен интервентен данок, главно на луксузна стока. Владата ги намали акцизите за автомобилите.
