алчен | прид.
Што е грабежлив, што е ненаситен. Алчен за пари.
ам | м.
Запрежна коњска опрема. Тој продаваше амови по панаѓурите.
ам! | изв.
Во детскиот јазик – извик со кој се изразува дејството на лапање, касање. Децата викаат како чавчиња, весело: ам, ам.
ама | чест.
а) При изразување чудење, изненадување. Ама јадење сторивме! Ама работа имало овде! б) арно ама. За воведување спротивставување на претходно кажаното; добро ама, меѓутоа. Сите си легнале, арно ама, по некое време некој затропал на вратата.
ама | сврз.
За поврзување зборовни групи и реченици кои се содржински спротивставени, карактеристичен за разговорниот јазик и за уметничколитературниот стил. Сѐ земи, ама не оставај ме. Не сакав да дојдам, ама ме донесоа.
Амазон | м.
Река во Јужна Америка.
Амазонија | ж.
Област во Бразил, по течението на реката Амазон.
амазонка | ж.
(мит.) Припадничка на воинствено племе жени, жена-војник. Каде сте чуле сирени и амазонки да се капат облечени?
амајлија | ж.
Мал предмет, со запис или без запис, што се носи со себе како заштита од несреќа, болест, уроци, според верувањето на некои. Беше убеден дека куршум не го фаќа, бидејќи го штити амајлијата.
амал | м.
Носач. Тој работеше неколку години како амал на пристаништето.
