амортизација | ж.
Ублажување на физичко дејство. Хидрауличната амортизација овозможува долготрајно користење на овие машини.
амортизер | м.
Направа, дел од возилото, од машина што служи за ублажување на ударите при движење. Новите амортизери се безбедно средство за заштита на машината.
амортизира | св. и несв.
Ублажи, ублажува потрес при физичко дејство, овозможи, овозможува помала силина на физичкото дејство. Хидрауличната преса го амортизира притисокот врз предметот.
аморфен | прид.
(мин.) Што нема кристална структура.
ампер | м.
Единица за мерење на јачината на електричната струја.
амперметар | м.
Инструмент за мерење на јачината на електричната струја.
амплитуда | ж.
(физ.) Најголема оддалеченост од положбата на рамнотежа при нишање, најголема вредност што ја достигнува некоја величина што е подложена на периодични промени. Зголемување на амплитудата на движењата.
амплитуден | прид.
Што се однесува на амплитуда.
ампула | ж.
(фарм.) Херметички затворено стаклено шишенце со лек, раствор, серум и сл. за инјекција.
ампутација | ж.
(мед.) Хируршко отстранување на дел од телото. Во хируршкиот центар докторите му извршија ампутација на едната нога.
