ампутира | св. и несв.
Изврши, извршува ампутација.
Амстердам | м.
Главен град на Холандија.
Амур | м.
Река во Азија.
амут | м.
Дел од коњска запрежна опрема кој се става на вратот на коњот. Беше слабичко животно, грбот му беше полн рани од амутите.
амфибија | ж.
(биол.) а) Водоземец, животно кое живее и на копно и во вода (жаба, дождовник). Амфибијата навлегуваше во таинствениот успиен и студен океан. б) Билка која расте и на земја и во вода (трска, дива перуника).
амфитеатар | м.
Театар или циркус кај старите Грци и Римјани со кружни или полукружни скалесто поставени седишта. Тоа е огромен простор со ѕидови, влажни камења, столбови и еден амфитеатар – тука понекогаш се прикажуваа антички драми.
амфитеатрален | прид.
Што има облик на амфитеатар.
амфора | ж.
Земјен сад со тесно грло и дно, со две рачки. Стара амфора. Потоната амфора. Разбиена амфора.
ан | м.
Гостилница со преноќиште, селска и друмска меана. Спиеја во анот, покрај патот.
анабаптизам | м.
Христијанска секта што бара повторно крштевање на зрела возраст, кога човекот ќе стане свесен за тој чин.
