анимација | ж.
Давање живот, оживување, давање душа.
анимира | св. и несв.
Оживее, оживува, даде, дава душа; создаде, создава цртани филмови. Во почетокот на својата кариера тој ги анимира најдобрите кусометражни цртани филмови што беа видени дотогаш.
анимозен | прид.
Што е злобен, непријателски расположен.
анимозитет | м.
Особина на тој што е анимозен; анимозност.
анис | м.
Анкара | ж.
Главен град на Турција.
анкета | ж.
Собирање податоци преку однапред подготвени прашања чиишто одговори нудат информации за определено истражување. Тој вршеше масовни анкети. Овој статистички преглед е направен врз основа на анкетите за потеклото на родовите во село Лабуништа. Анкетата покажа дека мислењата се поделени.
анкетар | м.
Лице што спроведува собирање податоци преку анкета за да се определи општо мислење за одделни прашања. Групата беше составена од десет анкетари.
анкетен | прид.
Анкетен лист. Анкетно испитување.
анкетира | св. и несв.
Собере, собира податоци со помош на анкета, на прашалник. Таа ги анкетира студентите на филолошкиот факултет. Обично новинарите анкетираат ненадејно.
