апликативен | прид.
Применлив, погоден за употреба. Апликативна програма. Апликативен модел.
апликација | ж.
Примена, употреба. Авионот и хеликоптерот се користат за апликација на хербицидите.
аплицира | св. и несв.
Примени, применува, практично употреби, употребува нешто. Овие барања треба да ги аплицирате во оценувањето на знаењето.
апне | св.
Касне; апе. Оваа жена ја апна куче. Него го апнала змија, сега бега и од гуштер.
апогеј | м.
(астр.) Најоддалечената точка меѓу Земјата и Месечината, или меѓу Земјата и Сонцето.
апоен | м.
Износ за целосно исплаќање долг.
Апокалипса | ж.
(рел.) Последниот дел од Новиот завет во кој се зборува за крајот на светот, „Откровението на апостол Јован“.
апокриф | м.
Религиозен спис со библиска содржина што не е канонски признаен за веродостоен. Средновековни апокрифи.
апокрифен | прид.
Што настанал како апокриф, што има обележје на апокриф. Ракописите имаа апокрифен карактер.
аполитичен | прид.
Што е незаинтересиран за политика.
