автобиографија | ж.
Книжевно дело во кое авторот сам си го опишува својот живот; опис на сопствениот живот.
автобус | м.
Големо моторно возило со седишта за превоз на повеќе лица. Локален автобус. Градски автобус. Туристички автобус.
автограм | м.
Своерачен потпис, обично на позната личност. Младите вљубеници во убавата песна бараа автограми од пејачите.
автограф | м.
Текст напишан со сопствена рака, оригинален ракопис. Автографите на псалтирот не се зачувани.
автодидакт | м.
Лице што учи само, без учител; самоук. Ова филозофско дело претставува своевиден подвиг, зашто е од перото на еден грнчарски работник, автодидакт.
автодидактика | ж.
Учење без учител, самонаобразба.
автодром | м.
Патека каде што се врши обука за возачи на автомобили; автомобилско тркалиште. Тркачите се појавија на автодромот надвор од градот.
автоелектричар | м.
Лице што се занимава со поправка на електричната инсталација кај автомобилите.
автокамп | м.
Заграден простор за кампување во приколки, бунгалови и шатори. Крај патот беше подигнат голем автокамп, во кој летуваа деца од целата земја.
автокефален | прид.
Што има карактеристики на автокефалност. Нивната православна црква е прогласена за автокефална со кралски декрет.
