асептички | прид.
Што спречува зараза, што е против зараза. Асептички средства.
асиметрија | ж.
Отсуство на симетрија, несразмерност, нехармоничност, нееднаквост на деловите.
асиметричен | прид.
Што не е симетричен, несразмерен.
асимилатор | м.
Тојшто врши асимилација
асимилаторен | прид.
Претопувачки, присоединувачки со цел да се обезличи постоечкото. Македонската национална култура има својствена отпорност кон асимилаторните стремежи однадвор.
асимилација | ж.
Претопување, присоединување при што се губи обележјето и се обезличуваат основните карактеристики. Македонското културно наследство беше објект на најсурова асимилација.
асимилира | св. и несв.
Изврши, врши асимилација.
Асирија | ж.
Древна држава во Месопотамија.
асистент | м.
Почетно наставно и научно звање на универзитет или во научна институција. Тој е асистент на филолошкиот факултет.
асистира | несв.
Извршува работа на асистент. Две помлади колешки му асистираа на професорот при операцијата.
