асоцијативен | прид.
Што се однесува на асоцијација; што здружува, што обединува. Асоцијативно размислување.
асоцијација | ж.
Поврзување во свеста на едни поими и претстави со други.
асоцира | св. и несв.
Поврзе, поврзува во свеста една појава со друга, предизвика, предизвикува асоцијација на нешто. Жолтата боја асоцира на нешто несакано, а виолетовата асоцира на таинственост. Овие стихови асоцираат на народната поезија. Советот ги асоцира двете здруженија во сојуз.
аспарагус | м.
Повеќегодишно растение со долги, кревки, разгранети стебленца со ситни лушпести светлозелени ливчиња и бели или жолтеникави ситни цветчиња; некои подвидови се користат за исхрана, а некои како украсни растенија.
аспект | м.
Гледиште, гледна точка, стојалиште. Тоа треба да се разгледа и од друг аспект.
аспирант | м.
Човек што се стреми кон нешто, што сака да постигне нешто. Ќе се најде и евентуален аспирант на оваа фотелја.
аспиратор | м.
Смукалка за гасови, прав, течности и др.
аспирација | ж.
Желба, стремеж кон нешто. Аспирација за успех.
аспирин | м.
Фабричко име за ацетилсалицилна киселина којашто се користи за намалување на зголемена телесна температура и на болки.
аспра | ж.
Ситна сребрена пара (монета).
