бинлак | м.
Голем стаклен сад за течност, во форма на шише, оплетен со прачки или заштитен на друг начин. Бинлак од десетина оки. Бинлаци со вино. Два бинлака ракија.
бинокл | м.
Оптичко средство за набљудување во далечина што се фиксира на носот со мал лост или со една рачка, што се држи в рака. Командантите со бинокли ги гледаа јавачите. Држи бинокл в рака. Театарски бинокл.
бинт | м.
Завој за преврска на рани. Извади бинт од торба. Го пресече бинтот. Ногата ја носеше завиткана во бинтови.
био- | претс.
Како прв дел од сложенки, обично термини од различни науки што ги означуваат односите со живата природа, на пр. биографија, биологија, биохемија.
биограф | м.
Пишувач на биографија, животопиец. Голем биограф.
биографија | ж.
биографии Опис на животот на некоја личност, животопис. Биографија на писател. Биографија од младоста.
биоенергија | ж.
Енергија извлечена од живи ткива.
биолог | м.
Специјалист по биологија.
биологија | ж.
Наука за живата природа, за законитостите во развојот на живиот свет. Студира биологија.
биопсија | ж.
Земање делче од орган или од ткиво на жив организам за микроскопски преглед заради утврдување на промените на клетките.
