битка | ж.
Вооружен судир меѓу две војски. Жестока битка. Крвава битка.
битов | прид.
Што се однесува на бит, начин на живот. Битов амбиент. Битови приказни.
Битола | ж.
Град во Македонија.
бит-пазар | м.
Пазар за сè и сешто. Голем бит-пазар.
битумен | м.
Смола што се добива како резултат на распаѓањето на животински и растителни остатоци (петролеј, нафта, асфалт и сл.).
бифе | ср.
Мала гостилница или просторија во која се пие, најчесто стоејќи. Студентско бифе. Бифе до театарот. Во центарот на градот има повеќе бифеа. Неколку бифиња еднододруго.
бифеџија | м.
Човек што држи бифе.
бифеџика | ж.
Жена што држи бифе.
бифтек | м.
бифтеци, Парче говедско месо од задниот дел на грбот, покрај 'рбетот. Пржен бифтек. Печени бифтеци. Два бифтека во чинија.
бич | м.
Плетена врвца од кожа, прицврстена за дрвена прачка што служи за терање добиток, камшик. Црн бич. Со бич во рака. Секој ден е сведен, та нема господари, нема бич. Два замавтани бича.
