Богота | ж.
Главен град на Колумбија.
боготвори | несв.
Обожава. Ќе ѝ ги исполни сите желби, ќе ја боготвори како ангел. Тие го боготвореле својот учител.
богоугодник | м.
Човек што живее според законите на христовата вера; праведник.
богохулен | прид.
Што се однесува на богохулење. Богохулни зборови.
богохули | несв.
Хули на Бога, го напаѓа Бога.
богохулник | м.
Тој што го хули Бога, што го напаѓа Бога.
богохулство | ср.
Хулење на Бога.
богочовек | м.
Човек со божји особини; Исус, синот божји во лик и тело на човек.
бод 1 | м.
Убод со игла или со друг шилест предмет. Еден бод во прстот и се појави црвена капка крв.
бод 2 | м.
(спорт.) Поен, единица со која се означува степенот на успешност при натпреварување. Нашата екипа освои два бода.
