боиште | ср.
Место каде што се бие битка, бојно поле. И даде господ, некако се стиши боиштето.
бок | м.
Страна. Стариот лежеше на бок. Бродот беше свртен на левиот бок.
Бока Которска | ж.
Залив во Црна Гора.
бокал | м.
Сад за вода или вино. Крчмарката стави два бокала со вино пред гостите. Бокалот со вода одеше од рака на рака меѓу жените што ручаа.
боклук | м.
Ѓубре, буниште, отпадоци.
бокс 1 | м.
(само едн.) Борба со тупаници меѓу двајца противници во ринг, со специјални ракавици и со определени правила. Пред војната тој се занимавал со бокс.
бокс 2 | м.
Посебно обработена телешка кожа за обувки. Тој носеше чевли од јак црн бокс.
бокс 3 | м.
Преградено место во некој објект со одредена намена. Гардеробата на железничка станица има многу боксови за багаж. Свињите на фармата се сместени во посебни боксови.
боксер | м.
Спортист што се занимава со бокс.
боксира | несв.
