братими се | несв.
Станува брат некому, се зближува како брат. Тие се братимеа (еден со друг). Нашите две семејства се братимеа пред две години.
Братислава | ж.
Главен град на Словачка.
братија | ж.
Монашка заедница на еден манастир.
братко | м.
Хипокорисник од брат, при обраќање кон брат, другар. Пеј ми братко за чаршијата, / за онаа ‒ старата скопска чаршија.
братов | прид.
Што се однесува, што му припаѓа на брат
братовина | ж.
Братов имот, оставина на брат. Тоа ми е братовина.
братоубиец | м.
Тој што го убива својот брат, својот близок. Во свеста на потенцијалниот братоубиец егзистира само една единствена стварност ‒ стварноста на веќе сторениот грев, оттука и појавата на силно каење.
братоубиствен | прид.
Што се однесува на убиство на својот брат, воопшто близок, од ист род, народ. Братоубиствена војна.
братоубиство | ср.
Убиство на својот брат.
братски | прид.
Што се однесува на брат, што е својствен на брат. Само благодарение на големата братска љубов се поделија без кавга.
