брзиномер | м.
Направа за мерење брзина. Брзиномерот во колата не ми работи.
брзне | св.
Протече кратко и брзо, прсне. Од устата му брзна крв.
брзозборка | ж.
Детска песна што се кажува брзо. Меѓу највеселите детски стихови спаѓаат брзозборките.
брзометен | прид.
Што стрела, пука брзо. Брзометен топ.
брзоног | прид.
Што е со брзи нозе, што трча брзо. Брзоног елен. Трчал брзоног зајак низ цветни ливади.
брзопис | м.
Вид писмо, обично во старите ракописи. Текстот е напишан со брзопис.
брзописец | м.
Човек што пишува брзо. Тој побара двајца попови, вешти брзописци.
брзопотезен | прид.
Во шахот ‒ партија во која се влечат брзи потези. Одиграа една брзопотезна партија шах.
Бриг | м.
(обично во мн.) Припадник на древен народ на Балканскиот Полуостров.
бригада | ж.
(воен.) Здружена единица од батаљонски, полковски или појак состав, помала од дивизија.
