брест | м.
Листопадно шумско дрво; Ulmus. Меѓу нив, по личнотија двои еден млад брест.
брестов | прид.
Што е од брест. Брестова шума. Брестови гранки.
Бретања | ж.
Област во Франција.
бреца | несв.
Пецка, навредува, префрлува нешто некому.
брецлив | прид.
Навредлив, што бреца. Брецливи зборови.
брецне (се) | св.
Пецне, навреди некого, префрли нешто некому. Тој сака да брецне.
брз | прид.
Што во кусо време поминува поголемо растојание. Брзата вода им ги режеше нозете. Најбрзото дете ќе добие награда.
брза | несв.
Настојува да изврши некакво дејство за што покусо време. Таа брзаше да ги нахрани свињите.
брзак | м.
Место на река, на поток каде што водата тече брзо. Рибарите се веќе излезени кај брзаците, со завртени ногавици.
брзаница | ж.
Дејство што се одвива со голема брзина, со брзина поголема од вообичаеното, со брзање, со итање. Со брзаница се врати. Во брзаницата пукнав, па не знам дали го погодив.
