бројчен | прид.
Нешто што се изразува, што се претставува со бројки. Бројчена табела. Бројчена оценка.
броќ | м.
Растение со кое се бојадисува во жолто-црвена боја; Rubia tinctorum L. Пред да бојадисуваме, беревме броќ.
брокат | м.
Вид свилена ткаенина со специфично ткаење, проткаена со златни или сребрени нишки. Купивме бел брокат за невестински фустан.
брокатен | прид.
Што е направен од брокат. Брокатен фустан.
брокер | м.
Тој што ги следи движењата на берзата, што тргува со вредносни хартии и посредува во берзанските работи.
бром | м.
Хемиски елемент, неговите соединенија се применуваат во фотографијата и во медицината; симбол Br.
бромен | прид.
Што се однесува на бром, што содржи бром.
бронза | ж.
Легура на бакар, цинк и железо. Бронзата од свешникот на малото масиче светкаше како злато.
бронзен | прид.
Што е од бронза. Бронзен штит. Бронзен сад.
бронка | ж.
Мал воспален израсток на кожата; мозолче. Косата му се наежи, а околу тукушто никнатите влакна од брадата, му се појавија бронки.
