Бургас | м.
Пристаништен град во Бугарија.
бургија | ж.
Алатка за дупчење на разновиден материјал; сврдел. Од торбата вади тесла, турпии, бургии.
буре | ср.
Дрвен или метален сад за течности, со два газера. Старецот по цел ден ги миеше дабовите буриња. Носел буриња маслинки по ерменските дуќани.
бурек | м.
Вид ориентална пита. Бурекот беше топол и мирисно чуреше кога под малото виличе корите крцкаво му се двоеја.
бурекчилница | ж.
Дуќан каде што се продава бурек. Од татка си ја наследи онаа бурекчилница сместена во предниот дел на куќата.
бурекчија | м.
Тој што прави бурек. Бурекчиите отвораа први во чаршијата.
бурен | прид.
Раздвижен, зафатен од бура. Бурно море.
буреносен | прид.
Што навестува, што носи бура. Буреносните, темни и парталави облаци го покрија небото.
бурет | м.
Вид ткаенина, најчесто од свила со специфично ткаење. Девојката носеше црвен фустан од бурет.
буржоазија | ж.
Владејачка класа на капиталистичкото општество, сопственик на средствата за производство. Будењето на словенските традиции станува суштествена состојка на мирогледот на младата македонска буржоазија од половината на 19 век. Западноевропски буржоазии.
