бурјан | м.
Трајна зелена билка, висока од 1 до 2 метри, со ситни бели цветови и црни бобинки како плод; див бозел; Sambukus ebulus. Седеше во меѓата заграден со боз, бурјан, мирудија, коприви и плет од капини.
бурјаниште | ср.
Земја зарасната во бурјан. Го прегази џадето, го помина и бурјаништето, стаса до беловицата.
бурјаноса | св.
Зарасне во бурјан. Бавчата бурјаносала.
Буркина Фасо | ж.
Држава во Африка.
бурлеска | ж.
Литературно-сценски вид кој се одликува со претераност на комичните ефекти. Комичниот репертоар на театарот се движи од бурлеска до карактерна комика.
бурлескен | прид.
Што личи или што е како бурлеска. Таа фантастика е бурлескна, игрива и духовита.
бурма | ж.
Вид прстен, вообичаено златен, венчален или свршенички. Младоженците пред кумот и старосватот разменија златни бурми.
Бурма | ж.
Поранешно име на Мјанмар.
бурмалија | прид.
Прстен во форма на бурма. Прстен бурмалија.
бурмут | м.
Прав од тутун за шмркање. Димитрија застана да шмркне бурмут и пак продолжи по патот.
