бурмутица | ж.
Кутивка за бурмут. Стариот кашла, пие јако црно кафе и шмрка бурмут од златна бурмутица.
Бурса | ж.
Приморски град во Турција.
Бурунди | ср.
Држава во Африка.
бусија | ж.
Заседа. Комитите фатија бусија зад грмушките.
бут | м.
(анат.) Дел од телото на човекот, од коленото до колковите; бедро. Беше ранет во рамото и во бутовите на двете нозе.
бута | несв.
Турка. Тој го бута од себе детето.
Бутан | м.
Држава во Азија.
бутен | прид.
Што се однесува на бут. Бутна коска.
бутик | м.
Современ дуќан, продавница за облека што се изработува по сопствени модели и во мали серии. Фустанот го купивме во еден бутик на кејот.
бутин | м.
Тесен, долгнавест, дрвен сад за матење матеница. Жените врзуваа на бутините мартинки од смил и матерка.
