балирка | ж.

Машина што врзува бали.

балист | м.

Припадник на албанската националистичка организација, албански фашист. Се стоварија илјадници Германци и балисти од Гостивар и Струга.

балистика | ж.

Наука што ги проучува законите за движењето на проектилите. Денес балистиката е многу развиена во САД.

балистичар | м.

Тој што се занимава со балистика. Тој е најдобар балистичар.

балка | ж.

Вид слива. Овоштарникот со балки многу роди.

балкан | м.

Планина. Крвта ја остави на балканите. По балканите тревожни камбани бијат.

Балкан | м.

Балканец | м.

Човек што живее или потекнува од Балканскиот Полуостров.

балканизам | м.

Карактеристична особеност на балканските народи, односно целокупноста на таквите особености. Историјата на балканските народи е именувана како балканизам.

балканизација | ж.

Пренесување обележја, карактеристични за животот, обичаите и јазиците на балканските народи. Да не дозволиме балканизација на Африка!