баласт | м.
Товар за одржување на стабилност на брод, балон, авион и сл.
Балатон | м.
Езеро во Унгарија.
балван | м.
Неизделкано дебело дрво, неизделкана дебела греда, подолг трупец. Се превртував врз густиот вител греди, балвани, откорнати брестови. На малата река немаше мост туку балвани.
балган | м.
Слуз, шлајм.
балдаза | ж.
Свеска, сестра на сопругата. Имал снаа и балдаза.
балдахин | м.
Свечена покривка над престол, над носилка, кревет или над олтар, обично од скапоцен материјал. Султански балдахин. Според големината на просторот на христијанските храмови, резбите биле распоредени на: иконостаси, балдахини, амвони, владички столови, певници.
балдиса | св.
Папса, премали, се истошти, изнемошти, капне, премре. Тој папса, балдиса, одвај си ги влече излижаните копита.
бале 1 | м.
Вок. од брат. ‒ Тале ‒ викна по него цецка му, ‒ ела малце кај мене, бале! Кажи, бале, мило брате, / од што болка лежиш? Та слушајте море, балевци!
бале 2 | ср.
Балеарски Острови | и.
Шпански острови во Средоземно Море.
