балега | ж.
Животински измет. Смрди на мувла и балега.
балегар | м.
Вид бумбар, тврдокрилен инсект што живее во балеги; Geotrupes stercorarius.
балерина | ж.
Балетска уметница, балетска танчарка. Живееше со една балерина.
балет | м.
Уметнички танц придружен со музика што прикажува симболично различни чувства и страсти. Немаме класичен балет, но го имаме Тешкото.
балетан | м.
Балетски уметник, балетски танчар. На сцената излегуваат тројца балетани.
балетанка | ж.
Обувки што ги носат балетските уметници при настап.
балетен | прид.
На подиумот се изведува балетна точка.
Бали | ср.
Остров во Индонезија.
балира | св. и несв.
Врзе, врзува во бали, обично за сено или слама.
балирка | ж.
Машина што врзува бали.
