бучавица | ж.
бучен | прид.
Што прави многу бучава. Бучните караници обично завршуваа со тепачка.
бучи | несв.
Прави бука, бучава. Нашиот лифт бучи. Бучеа снежните води на Бабуна.
буџа | м.
Важна личност најчесто од политичкиот свет.
буџет | м.
Пресметка на приходите и расходите на државата, на установа, претпријатие итн., за определен период. Средствата од буџетот се намалени за 3 отсто.
буџетар | м.
Лице што работи во буџетска установа.
буџетски | прид.
Што се однесува на буџет. Буџетска организација. Буџетски дефицит.
Буџумбура | ж.
Главен град на Бурунди.
буша | ж.
Раса домашно говедо.
бушав | прид.
Што не е исчешлан. Таа имаше долга бушава руса коса.
