бард | м.
Народен поет и пејач кај старите Келти што пеел во придружба на харфа.
бардак | м.
Земјан или бакарен сад со рачка и дулец за вода, вино или за ракија. Го наполни бардакот вода. Му дадоа бардак вино. Одеше со бардак блага ракија.
бардакчија | м.
Тој што прави или што продава бардаци и други земјани садови.
баре | чест.
барел | м.
Мерка за нафта и деривати од нафта, мерка во која се искажува цената на нафтата и според која се продава.
барелјеф | м.
Вајарско дело на камена, на метална или на дрвена подлога, каде што фигурите се со блага издаденост над рамната површина. Барелјефот на Антонијан е изработен на италијански мермер.
барем | чест.
Изразува извесно ограничување. Сакам барем уште еднаш да те видам. Се обиде да присобере барем трошка сила.
Баренцово Море | ср.
Море во Северниот Леден Океан.
баретка | ж.
Тркалезна или аглеста капа без штит. Дојде млада жена со баретка на главата. Луѓето беа со накривени баретки.
барз | прид.
Назив за коза или за овца со бели пруги по главата или по телото.
