бари | несв.

Вари малку, до извесен степен. Баба ми бари пиперки секоја година.

бариера | ж.

Брана, пречка, преграда. Двете пречки, ровот и бариерата, беа поминати лесно. Освојувачите на Австралија не наидоа на никакви бариери.

барикада | ж.

Преграда направена од разни предмети како засолниште при улични борби. Тој со другарите ќе прави барикади, ќе ги одбиваат јуришите на напаѓачите.

барикаден | прид.

Што се однесува на барикада.

барикадира | св. и несв.

Направи, прави барикада. Полицијата ја барикадира главната улица. Го барикадираа влезот на зградата.

баритон | м.

Машки глас меѓу бас и тенор, длабок тенор или висок бас. Го чув пробивниот баритон на отецот. Зборуваше со длабок баритон.

барјак | м.

барка | несв.

Бара по малку, внимателно, со напипување. Туѓите луѓе со чудни инструменти баркаа по дното на езерото.

бармен | м.

Сопственик или раководител на бар. Барменот располагаше со два бара.

барок | м.

Стил во европската уметност (архитектурата, вајарството, сликарството, декоративната уметност, литературата) од крајот на XVI до средината на XVIII век, чии главни карактеристики се претеран декоративен раскош и патетичност (во пишувањето).