безопасна | ж.
Игла што служи за привремено прикрепување на облека во замена на копче; средство за прикачување на некаков моден детаљ.
безосновен | прид.
Што е без основа, што нема основа, неоснован, неоправдан. Безосновна дискусија. Безосновно прашање.
безотпорен | прид.
Што не може да даде отпор, неотпорен, неиздржлив, слаб. Безотпорна ситуација. Слаби, безотпорни луѓе.
безочен | прид.
Безочен грабеж. Безочен геноцид. Безочен судија. Безочна клевета. Безочни лаги.
безработен | прид.
Што е без работа, невработен. Тој беше безработен и не знаеше што да прави од здодевност. Им дадовме работа на безработните луѓе.
безработица | ж.
Состојба на недостиг од работа, невработеност. Тоа е период на општа безработица и сиромаштија. Двајцата лесно ја поднесуваа безработицата.
безработник | м.
Тој што не сака да работи, неработник, безделник. За него мнозина велат дека е мрзливец и безработник. Безработниците стоеја и немо гледаа во кавгаџиите.
безрадосен | прид.
Што е без радост, нерадосен, невесел, тажен. Безрадосен живот. Безрадосни моменти.
безразборен | прид.
Неразумен, непромислен. Безразборна постапка.
безразумен | прид.
Што е без разум, што не произлегува од разумот, неразумен. Безразумна жена. Безразумно дете.
