безрасуден | прид.
Што е без расудување, неразумен, непромислен. И натаму беше безрасуден, ироничен и весел.Тој не ја ценеше таа безрасудна жена.
безрбетник | м.
(зоол.) Вид животни коишто се без 'рбет и без скелет, спрот. 'рбетник; Invertebrata.
безреден | прид.
Што е без утврден ред, несреден, неправилен. Безредна состојба.
безредие | ср.
Отсуство на ред и поредок, несредена состојба, неред; хаос. Се случуваа безредија и злосторства, а немаше кој да заведе ред. Напаѓачите направија безредие во куќата. Безредие постои во неговите мисли.
безрезервен | прид.
Што се поддржува, што се врши без резерва, без ограничување, во целост. Безрезервен став. Безрезервна поддршка.
безрезултатен | прид.
Што е без резултат, безуспешен, неуспешен. Безрезултатен крај. Безрезултатно измачување. Безрезултатна дискусија. Безрезултатни напори.
безризичен | прид.
Што е без ризик, што не е ризичен. Безризичен потфат. Безризична акција.
безроден | прид.
Што нема роднини. Безродна невеста.
безродница | ж.
Таа што не родила, што нема пород; неротка. На снаата ѝ префрлуваа што беше безродница.
безропотен | прид.
Што е без ропот, без шум. Безропотен дожд.
