бесчестие | ср.

Немање чест, чесност; нечесност. Владееше бесчестие.

бесчестува | несв.

бесчовечен | прид.

Што е без човечност, нечовечен. Бесчовечен однос. Бесчовечна постапка.

бесчувствен | прид.

Што е без чувства, нечувствителен. Бесчувствен набљудувач. Бесчувствена душа. Бесчувствено срце.

бесшеќерен | прид.

Што е без шеќер, незасладен, незашеќерен. Бесшеќерен чај.

бесшумен | прид.

Што е без шум, што не предизвикува звук; нечуен, тивок. Бесшумен чекор. Бесшумна ноќ. Бесшумни бранови.

бетер | прид.

Прид. Полош. Бетер од животно те сметаат.

бетон | м.

Градежен материјал, смеса од цемент, песок и вода. Квалитетен бетон. Кашест бетон. Студен бетон. Скали од бетон.

бетонира | св. и несв.

Постави, поставува бетон, обложи, обложува со бетон. Соседите ја бетонираа патеката.

бетониран | прид.

Што е обложен со бетон. Бетониран под.