голта | несв.

Прима храна или течност преку устата во хранопроводникот. Беше тешко да се голта водата кога знаеш дека ја пиеш за да остане што помалку место за лебот. Долго ги џвакаше и полека ги голташе парчињата месо.

голтак | м.

голтар | м.

Сиромашен, беден човек. Знам нема да се здружиш со голтари и легачи на кои им тежи мотиката. Додека бев голтар, никој не ме мразеше.

голтарак | м.

голтка | ж.

Количество течност што се голта наеднаш. Се напи неколку голтки вода и продолжи со работата. Чајот се пие голтка по голтка, полека.

голтне | св.

Прими храна или течност; проголта. Ги голтна лековите во еден здив.

голушка | ж.

Семка од овошје (кајсија, слива и др.). Ги плукаше голушките на сите страни.

голф | м.

(спорт.) Англиска игра при која со дрвени палки се втеруваат топчиња во дупки.

гомбел | м.

Питома коприва; Urtica dioica. Тој ги покрил свинските апежи со земја и со мек лист на копривата гомбел.

гомнар | м.

Никаквец. Гомнар еден, ти ќе ми кажуваш што да правам!