греши | св. и несв.
Направи, прави грешка, згреши. Кога пишува, многу греши. Ја грешил куќата.
грешка | ж.
Погрешна постапка. Печатна грешка.
грешник | м.
Човек што направил грев. Покајте се, грешници!
грибла | несв.
Работи со грибло. Го гриблаше сеното до првиот мрак.
грибло | ср.
Алатка со дрвена рачка и со метални запци на крајот што служи за собирање сено, слама и сл. и за порамнување земја. Селаните се упатија накај нивата со лопати, мотики и грибла во рацете.
грива | ж.
Долги влакна над вратот и на главата кај коњите, кај лавовите и кај други животни. Коњите со развиорени гриви трчаа по ливадите.
гривест | прид.
Што има голема, бујна грива. Јаваше на црн, гривест коњ.
гривјак | м.
Гулаб со бели пердуви како гривна на вратот, што живее во шума и е многу плашлив, зимно време се сели на југ; Columba palumbus.
гривна | ж.
Накит, украс за рацете; белезица.
грижа | ж.
Немир, неспокојство поради некоја непријатност, тешкотија, проблем. Овој испит ми претставува голема грижа. Не оптоварувај се, тоа е моја грижа.
