довтаса | св.
Дојде, стигне на кој било начин. Вечерта по мракот довтаса и итрецот со својата дружина. Од прозорецот на теќето довтаса глас.
довчерашен | прид.
Што траел, што бил до вчера; што бил до неодамна, до скоро; скорешен. Го напуштија сите довчерашни пријатели. Веќе не се противеше, исчезна нејзината довчерашна намуртеност.
довјава | св.
Дојде јавајќи на коњ, магаре. Пред меаната довјава непознат коњаник.
довјаса | св.
Дојде, пристигне со голема брзина. Командирот довјаса пред колоната.
догази | св.
Изгази нешто доволно, до крај. Го догази грозјето во бурето.
доган | м.
Сокол.
доганѕа | св.
Се довлечка со тешкотии. Доганѕа до креветот, легна и веднаш заспа.
доганџија | м.
Соколар.
догизден | прид.
Дотеран, накитен.
догизди | св.
Дотера, накити, нагизди. Мајката го догизди детето.
